БНСУ-ын АҮХНХЭГ-ын Монгол дахь Суурин Төлөөлөгчийн Газар

2023 ОНЫ СХТТШ-Д ТЭНЦСЭН ИРГЭДИЙН АНХААРАЛД

(АЖ ҮЙЛДВЭР БОЛОН ҮЙЛЧИЛГЭЭНИЙ САЛБАР)

2023.06.02

БНСУ-ын Аж үйлдвэр, хүний нөөцийн хэрэг эрхлэх газраас зохион байгуулсан Солонгос хэлний түвшин тогтоох шалгалт 1 ДҮГЭЭР ЭЭЛЖИЙН (АЖ ҮЙЛДВЭРИЙН САЛБАР) УР ЧАДВАРЫН ШАЛГАЛТАД ТЭНЦСЭН 525 ИРГЭД, ҮЙЛЧИЛГЭЭНИЙ САЛБАРТ ТЭНЦСЭН 388 ИРГЭДИЙН НЭРСИЙН жагсаалт болон ЭМҮШ-д хамрагдах хуваарийг тус тус танилцуулж байна.

1. Үйлчилгээний салбарт тэнцсэн иргэдийн жагсаалт дарж шалгана уу

2. Аж үйлдвэрийн салбарт тэнцсэн иргэдийн жагсаалт дарж шалгана уу

Шалгалтад хамрагдсан иргэн бүр EPS-ийн цахим хуудас (www.eps.go.kr)-аас шалгалтын оноогоо шалгах боломжтой.

○ Шалгалтын оноог шалгах арга

① "EPS-TOPIK" вэб сайтад хандах (eps.hrdkorea.or.kr/epstopik)

② Хэл сонгох (Солонгос эсвэл Англи)

③ "Тестийн үр дүн" болон "Шалгалтын үр дүнг харах" дээр дарна уу.

④ Паспортын (ID) дугаар болон төрсөн огноог оруулна уу.

Нэг. Шалгалтад тэнцсэн иргэдийн эрүүл мэндийн үзлэг шинжилгээнд хамрагдах заавар:

ü Гадаад паспорт эсвэл иргэний үнэмлэх, цээж зураг 1 хувь;

ü Ерөнхий шинжилгээний төлбөр 133,000 төгрөг (ХӨСҮТ-ийн кассанд тушаах);

ü Зориулалтын саванд өлөн шээс авч очих (эмийн сангаас зориулалтын сав авах);

ü Шинжилгээ өгөхийн өмнөх өдөр спиртийн төрлийн шингэн, хэт чихэрлэг болон өөх тостой хоол, хүнс хэрэглээгүй байх;

ü Шинжилгээнд өөрийн өмнөөс өөр хүн оруулахыг хориглох;

ü Амны хаалт (маск) заавал хэрэглэх;

ü Халдвар хамгааллын дэглэмийг баримтлах /Цаг болон хувийн зохион байгуулалтыг маш сайн хангах/;

ü 09:00-12:00 цагийн хооронд хуваарьт өдрийн дагуу шинжилгээнд хамрагдах;

Эрүүл мэндийн үзлэг шинжилгээ, үйлчилгээ үзүүлэх эмнэлгийн мэдээлэл

Хоёр. БНСУ-ын Хөдөлмөрийн биржид ажил хайгчийн бүртгэл хийлгэх заавар:

Эрүүл мэндийн үзлэг шинжилгээнд тэнцсэн иргэд БНСУ-ын хөдөлмөрийн биржийн ажил хайгчаар байршуулах бүртгэлийг 2023 оны 06 дугаар сарын 08-ны өдрөөс Хөдөлмөр, халамжийн үйлчилгээний ерөнхий газрын 2 давхар, 207 тоотод эхлүүлэх тул ӨӨРИЙН ҮЙЛЧИЛГЭЭ АВАХ ХУВААРЬТ ӨДРИЙГ СОНГОН АЖЛЫН ЦАГААР ИРЖ “АЖИЛ ХАЙГЧИЙН АНКЕТ” БӨГЛӨНӨ.

Ажил хайгчаар бүртгүүлэхэд дараах материалыг бүрдүүлж ирнэ. Үүнд:

ü Цээж зураг 1 хувь (Сүүлийн 6 сард авахуулсан 3,5*4,5 хэмжээтэй, цагаан артай эгц урдаас харсан, бараан өнгийн хувцастай авахуулсан байх);

ü Гадаад паспорт эх хувь (гадаад паспортын хүчинтэй хугацаа нэг жилээс дээш байх);

ü Өөрийн харилцдаг банкны данс эзэмшигчийн тодорхойлолт (дансны хуулга болохгүй);

Дараах хуваарийн дагуу ХХҮЕГ-ын 2 давхарт иргэдийг хүлээн авна.

ГАДААДАД АЖИЛЛАХ ХҮЧ ГАРГАХ ХЭЛТЭС