БНСУ-ын АҮХНХЭГ-ын Монгол дахь Суурин Төлөөлөгчийн Газар

Зорилго

Солонгос улсад гэрээгээр ажиллаж байгаад гэрээт хугацаагаа дуусган эх орондоо ирээд амжилтанд хүрсэн ажилчин нь хэрхэн нутаг буцах бэлтгэлээ хангасан болон нутаг буцсаны дараах амжилтанд хүрсэн бодит амьдралынхаа тухай Солонгос улсад гэрээгээр ажиллаж байгаа гадаадын ажилчдад илтгэл тавьснаар гадаадын ажилчдын ирээдүйдээ бэлтгэх санаа сэдлийг төрүүлэх, сайн дураараа нутаг буцах урам өгөх

Шалгаруулж авах хүний тоо : Нутаг буцсан Монгол улсын иргэн 1 хүн

2011 оны 11 сарын 29-нд Чингис хаан зочид буудалд эх орондоо ирэгсдийг дэмжих ажлын хүрээнд “Мэргэжилтэй ажилтан - 2011”   Уулзалт форумыг манай байгууллага Монгол улсын Хөдөлмөрийн Төв Биржтэй хамтран амжилттай зохион байгууллаа. 

Уулзалт форумд БНСУ –ын Аж Үйлдвэрийн Хүний Нөөцийн Газрын Гадаадын ажилчдын Төвийн дарга Ким Нам Ил оролцож үг хэлэхдээ “Монгол Солонгосын Хүний нөөцийн харилцаанд хөгжил дэвшил гарч байгааг харуулсан чухал үйл явдал болж байна” хэмээн онцолсон юм.

БНСУ-ын Аж үйлдвэр, хүний нөөцийн газраас зарласан БНСУ-д ажиллаж байгаад эх орондоо(Монголдоо) суурьшиж байгаа  гадаадын ажилчдын дунд хэрхэн ажил төрөл эрхлэн амжилтанд хүрсэн тухай сэдвээр эссэ, нийтлэл бичих уралдаанд амжилттай оролцож шагналт байранд шалгарсан бүтээлийг толилуулж байна.

Дэм Дэмэндээ

/эссэ/

/2005-2008 онд БНСУ-д хөдөлмөрийн гэрээгээр ажиллаж байсан Монгол улсын иргэн Доржгочоогийн Мөнх-Эрдэнэ/

2000 оны эхэн үед БНСУ-д Монгол улсаас дадлагажигч ажилчин гаргаж байгаа тухай мэдээллийг олж аваад “Монгол Ньюс” ХХК дээр очиж бүртгүүлж, удалгүй БНСУ-д очиж ажиллаж амьдрах эхний боломж гарсан юм.

Хилийн чанадад гарч л байвал бүх зүйлс болчихдог гэсэн бусдын адил бодолтой байсан тэр нэгэн буруу бодлыг ар гэрийн маань байдал түр зогсоосон юм. Учир нь дөнгөж гуравхан настай охиноо орхиод сургуульд орсоных нь дараа ирнэ гэдэг надад их том асуудал байсан юм. Би өөрийнхөө анх сургуульд орсон, дүн авсан анхны өдөр, эцэг эхийн анхны хурал гэх мэт зүйлсийг одоо ч гэсэн сайн сайхан гэгээлгээр санаж явдаг маань нөлөөлсөн бизээ. Ингээд би БНСУ-ын “Хёндэй” автомашин үйлдвэрийн мянга орчим машинтай такси баазад менежерээр ажиллаж байгаад 2005 оны сүүл үеэр БНСУ-д гэрээт ажилчнаар явах гэж бүртгүүлсний хариу нааштайгаар гарч Инчоны олон улсын нисэх буудалд газардаж билээ.