БНСУ-ын АҮХНХЭГ-ын Монгол дахь Суурин Төлөөлөгчийн Газар

БНСУ-ын Хөдөлмөр эрхлэлт, хөдөлмөрийн яам /ХЭХЯ/ Монгол Улсын Хөдөлмөр Нийгмийн Хамгааллын Яам /ХНХЯ/ хооронд байгуулсан “Хөдөлмөр эрхлэх зөвшөөрөл олгох тогтолцооны дагуу БНСУ-д ажилчид илгээх тухай” Харилцан ойлголцлын санамж бичгийн хүрээнд БНСУ-д хөдөлмөрийн гэрээгээр ажиллах хүсэлтэй иргэдээс авах Солонгос хэлний түвшин тогтоох шалгалт дараах байдлаар явагдах болсныг мэдэгдье.

БНСУ-ын гадаад иргэдийн хөдөлмөр эрхлэх зөвшөөрөл олгох тогтолцоо(ХЭЗОТ)-ны дагуу БНСУ-д ажиллах хүсэлтэй иргэд нь БНСУ-ын Хөдөлмөрийн Яамнаас томилсон БНСУ-ын АҮХНХЭГ-аас зохион байгуулах СХТТШ-нд заавал тэнцсэн байх шаардлагатай. СХТТШалгалтанд тэнцсэн иргэд хөдөлмөр эрхлэх зөвшөөрөл олгох тогтолцооны хүрээнд ажил хайгчаар бүртгүүлэх боломжтой.

2017 оны 2 сарын 24

Санаачлагч: БНСУ-ын Хөдөлмөр эрхлэлт Хөдөлмөрийн Яам

Зохион байгуулагч: БНСУ-ын Аж үйлдвэрийн хүний нөөцийн хэрэг эрхлэх газар

Хамтран ажиллах байгууллага: Монгол улсын Хөдөлмөр Нийгмийн Хамгааллын Яам,

Хөдөлмөр халамжийн үйлчилгээний ерөнхий газар

2017 онд Монгол улсад Тусгай СХТТШалгалтыг тодорхой шалтгааны улмаас авахгүй болсныг мэдэгдье. Харин Энгийн буюу жилд 1 удаа авдаг СХТТШалгалтад бүртгэх бүртгэлийн товыг 2 сарын дундуур мэдээлэх тул hudulmur-halamj.gov.mn болон monkor.net цахим хуудаснаас харна уу.

/2012.07.02-ноос хэрэгжиж эхэлсэн/

Хамрагдах ажил олгогч нь дараах шаардлагыг хангасан байна.

1. Газар тариалан хөдөө аж ахуй, загас агнуур буюу 50 хүртэлх ажилчинтай үйлдвэр байх

2. Гадаад ажилчин ажиллуулах зөвшөөрлийн шаардлагыг хангасан байх

Хамрагдах гадаад ажилчин нь дараах шаардлагыг хангасан байх

1. 4 жил 10 сар буюу 6 жилийн турш ажиллах хугацаандаа үйлдвэрээ солиогүй 1 ажлын байранд ажилласан байх

2. БНСУ-аас гарахаасаа өмнө тухайн ажил олгогчтойгоо 1 жилээс дээш ажиллах гэрээ байгуулсан байх (буцаж ирснээс хойш тухайн гэрээ хүчин төгөлдөр болно)