БНСУ-ын АҮХНХЭГ-ын Монгол дахь Суурин Төлөөлөгчийн Газар

БНСУ-ын Хөдөлмөрийн Яам, Монгол улсын НХХЯ хооронд байгуулсан Хөдөлмөр эрхлэх зөвшөөрлийн тогтолцооны хүрээнд ажиллах хүч илгээх Санамж бичгийн дагуу 8 дахь удаагийн СХТТШ-ыг дараах байдлаар авах болсныг мэдэгдэж байна. Гадаад иргэдийн хөдөлмөр эрхлэх зөвшөөрлийн тогтолцооны журмаар Солонгос улсад ажиллахыг хүсэж буй иргэд БНСУ-ын Хөдөлмөрийн Яамнаас томилсон БНСУ-ын АҮХНХЭГ-аас зохион байгуулах СХТТШ-нд заавал тэнцсэн байх хэрэгтэй бөгөөд зөвхөн энэхүү шалгалтанд тэнцсэн иргэн л гадаадын иргэний хөдөлмөр эрхлэх зөвшөөрөл хүсэхээр бүртгүүлж болно.

БНСУ-д хөдөлмөрийн гэрээгээр ажиллаж байгаад хугацаандаа нутаг буцан ирсэн,  дахин гэрээгээр ажиллах хүсэлтэй  иргэдийг бүртгэлд хамруулан, солонгос хэлний түвшин тогтоох шалгалтыг компьютерт суурилсан тестийн аргаар авах болсныг мэдэгдье.

Солонгос хэлний түвшин тогтоох“Тусгай” шалгалтын бүртгэл

1. Бүртгэл явагдах хугацаа: 2012 оны 5 дугаар сарын 29-30-ны өдрүүдэд (2 өдөр)                            

2.   Бүртгэх цаг: 09:00-13:00, 14:00-18:00 (ажлын цагаар бүртгэнэ)                       

3. Бүртгэх газар: Хөдөлмөрийн төв бирж дээр (өөрийн биеэр, холбогдох бичиг баримттайгаа ирж бүртгүүлнэ үү)

Энэхүү журам нь үйлдвэрүүдийг өмнө нь ажиллуулж байсан ажилчнаа дахин авч ажиллуулах боломжоор хангах ба гадаадын ажилчдын хууль бусаар оршин суух явдлыг багасгахад хувь нэмэр оруулах зорилготой.

2012 оны 7 сарын 2-ноос БНСУ-д ажиллах хугацаа (4жил 10 сар )-ндаа ажлын байраа солилгүй ажиллаж байгаад сайн дураараа нутаг буцсан гадаадын ажилчин нь нутаг буцаад 3 сарын дараа орж ирээд дахин 4 жил 10 сар ажиллах боломж нээгдлээ.

Өнгөрсөн 2 сарын 1-нд энэхүү заалтаар гадаадын иргэдийн хөдөлмөр эрхлэлтийн тухай хуулинд нэмэлт өөрчлөлт оруулсан.

2012 оны 4 сарын 26-нд Гадаадын ажиллах хүчний бодлогын хорооноос энэхүү журмыг хэрэгжүүлэхтэй холбогдуулж, холбогдох аж ахуйн нэгжийн төрөл болон ажлын байрны цар хүрээг баталсан бөгөөд 5 сарын 8, 9-нд нарийвчилсан үе шатлалын  хэрэгжүүлэх дүрэм журмыг шинэчлэн баталсан.