БНСУ-ын АҮХНХЭГ-ын Монгол дахь Суурин Төлөөлөгчийн Газар

Хөдөлмөр, халамжийн үйлчилгээний ерөнхий газар нь Монгол Улсын Хөдөлмөр, нийгмийн хамгааллын яам, БНСУ-ын Хөдөлмөр эрхлэлт, хөдөлмөрийн яам хоорондын “Хөдөлмөр эрхлэх зөвшөөрөл олгох тогтолцоо”-ны дагуу ажилтан илгээх болон хүлээн авах тухай “ХАРИЛЦАН ОЙЛГОЛЦЛЫН САНАМЖ БИЧИГ”-ийн хүрээнд ажилладаг.

2019 онд зохион байгуулсан 3 дахь удаагийн сонгон шалгаруулах онооны тогтолцооны хүрээнд БНСУ-д Хөдөлмөрийн гэрээгээр ажиллах хүсэлтэй бүртгүүлсэн 3,667 иргэдээс Солонгос хэлний түвшин тогтоох шалгалтад 95 буюу түүнээс дээш оноо авсан 743 иргэн 10 дугаар сарын 18-20 өдрүүдэд Ур чадварын шалгалтад биеийн хүч, ярилцлага, суурь чадвар гэсэн гурван төрлөөр хамрагдаж 684 иргэн тэнцэв.

БНСУ-аас ирсэн Монгол иргэдийг ажилд зуучлах хөдөлмөрийн яармагийг 2019 оны 9 сарын 27ны өдөр Монголын үндэсний худалдаа аж үйлдвэрийн танхимд Монгол дахь Солонгосын ажил хэрэгч иргэдийн нийгэмлэг, Хөдөлмөр халамжийн үйлчилгээний ерөнхий газарын дэмжлэгтэйгээр амжилттай зохион байгууллаа. Яармагийн үеэр 200 гаруй иргэд хүрэлцэн ирж ажлын байрны мэдээ мэдээлэлтэй танилцлаа.

Яармагт Солонгосын Дрим газ, Чонжухэүн, Сигма Монголиа, Улаанбаатар смарт карт, Остем Монголиа, Монгол намшин, Холидэй ин Улаанбаатар, Илсон констракшн зэрэг 11 компани, Монголын дабль пирамид, Арцат вүүд, Мах импекс, эко констракшн, Талх чихэр, Хадатын хүрээ, Номин холдинг, Монхангай груп, Их Монгол фүүд зэрэг 10 гаруй компаниуд идэвхтэй оролцож сул чөлөөтэй ажлын байрандаа ажил хайгч нарыг бүртгэж авлаа.

Дэлгэрэнгүй...

БНСУ-д хөдөлмөрийн гэрээгээр ажиллаж байгаад нутаг буцаж ирсэн монгол иргэдийн хөдөлмөр эрхлэлтийг дэмжих зорилгоор хөдөлмөрийн яармаг, өдөрлөгийг 2019 оны 9 сарын 27-ны өдөр 11.00-15.00 цагийн хооронд Худалдаа аж үйлдвэрийн танхимын үзэсгэлэнгийн танхимд зохион байгуулна. Өдөрлөгт Монголын 20 гаруй Солонгосын 15 гаруй ажил олгогч компаниуд оролцох тул та бүхнийг өргөнөөр хүрэлцэн ирж оролцохыг урьж байна. Мөн өдөрлөгийн үеэр Солонгосын бараа бүтээгдэхүүний үзэсгэлэн худалдаа явагдана.

Ерөнхий зохион байгуулагч: БНСУ-ын АҮХНХЭГ-ын Монгол дахь EPS төв

Хамтран зохион байгуулагч: Солонгос ажил хэрэгч иргэдийн нийгэмлэг, Хөдөлмөр Халамжийн Үйлчилгээний Ерөнхий газар