БНСУ-ын АҮХНХЭГ-ын Монгол дахь Суурин Төлөөлөгчийн Газар

2021 оны 7 дугаар сарын 19

СОЛОНГОС ХЭЛНИЙ ТҮВШИН ТОГТООХ ШАЛГАЛТАД

БҮРТГҮҮЛСЭН ИРГЭДИЙН АНХААРАЛД

Монгол Улсын Засгийн газрын 2021 оны 176 дугаар тогтоолоор 2021 оны 8 дугаар сарын 31-ний өдрийг дуустал Гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгаснаар Солонгос хэлний түвшин тогтоох шалгалтад бүртгүүлсэн иргэдийн шалгалтын тов тодорхойгүй хугацаагаар хойшлогдсныг үүгээр мэдэгдье.

Иймд шалгалтын тов тодорхой болмогц Хөдөлмөр, халамжийн үйлчилгээний ерөнхий газрын http://solongos.hudulmur-halamj.gov.mn вэб сайтад албан ёсоор мэдээлэх болно.

Утас: 77121285

Хөдөлмөр, халамжийн үйлчилгээний ерөнхий газар

2021 оны 6 дугаар сарын 28

ЦАХИМ БҮРТГЭЛД ХАМРАГДАХ ИРГЭДИЙН АНХААРАЛД

1. Бүртгэл хийхтэй холбоотой товч мэдээлэл

ü Бүртгүүлэх иргэд дараах цахим хуудас

(http://solongos.hudulmur-halamj.gov.mn) –аар 09:00-18:00 цагийн хооронд нэвтэрч бүртгэл хийлгэнэ. /Зөвхөн дурдсан өдөр, цагт хандахыг анхаарна уу/

ü Системд ухаалаг гар утас, компьютер, таблет зэргээс нэвтрэх боломжтой.

ü Бүртгүүлэх иргэн харъяалал хамаарахгүй бөгөөд цэснээс өөрийн оршин суух нийслэл, аймаг, дүүргийг сонгоно.

ü Бүртгүүлэхэд гадаад паспорт болон иргэний үнэмлэхний аль нэгээр бүртгүүлэх боломжтой. Мөн хугацаа дууссан гадаад паспортаар бүртгүүлж болно.

ü Бүртгүүлэх явцад програмаар төлбөрийн хураамж төлөх дансны дугаар автоматаар гарч ирнэ.

2021 оны 6 дугаар сарын 21

БНСУ-Д ХӨДӨЛМӨРИЙН ГЭРЭЭГЭЭР АЖИЛЛАХ ХҮСЭЛТЭЙ ИРГЭДИЙГ “ОНООНЫ ТОГТОЛЦОО”-НЫ ШАЛГАЛТЫГ ЦАХИМААР БҮРТГЭХ ТУХАЙ ЗАР

БНСУ-ын Хөдөлмөр эрхлэлт хөдөлмөрийн яам, Монгол улсын Хөдөлмөр нийгмийн хамгааллын яамдын хамтарсан 2021 оны Хөдөлмөр эрхлэх зөвшөөрлийн тогтолцооны дагуу гадаад ажилчин сонгон шалгаруулах “Онооны тогтолцоо”–г хэрэгжүүлэх шалгалт:

- “Онооны тогтолцоо” нь солонгос хэлний мэдлэгээс гадна эрүүл мэндийн суурь нөхцөл (өнгө ялгах чадвар(харааны харалган), нурууны диск, гар сарвууны бүрэн байдал зэрэг нь хөдөлмөр эрхлэхэд бэрхшээлтэй гэж үзэх буюу тэнцэхгүй), ур чадварын, ажил үүргийн чадвар гэх мэтээр хүн бүрийн чадвар дээр нэгдсэн үнэлгээ хийх арга юм.

- Нэг дэх шалгалтад тэнцсэн иргэдээс 2 дахь шалгалт буюу мэргэжлийн ур чадварын үнэлгээнд мэргэжлийн сургалтад хамрагдсан байдал, мэргэжлийн үнэмлэх, ажлын туршлага байгаа бол нотлох бичиг баримтыг хавсаргах хэрэгтэй ба ур чадварын шалгалтад заавал хамрагдана. Хамрагдаагүй бол эцсийн шалгаруулалтаас хасагдахыг анхаарна уу.

- Өнгө ялгах чадваргүй нь батлагдвал салбар бүрийн онцлогыг харгалзан эрүүл мэндийн хувьд нийцэхгүй буюу тухайн салбарт хөдөлмөр эрхлэхэд бэрхшээлтэй гэж шалгалтын комисс дүгнэсэн тохиолдолд эцсийн шатны шалгаруулалтаас хасна.

Санаачлагч: БНСУ-ын Хөдөлмөр эрхлэлт, хөдөлмөрийн яам

Зохион байгуулагч: БНСУ-ын Аж үйлдвэр хүний нөөцийн хэрэг эрхлэх газар

Хамтран зохион байгуулагч: Монгол Улсын Хөдөлмөр, нийгмийн хамгааллын яам, Хөдөлмөр, халамжийн үйлчилгээний ерөнхий газар